LocalActiveMedia
ИНСТИТУТ ЗА ИСТРАЖУВАЊЕ НА ОПШТЕСТВЕНИОТ РАЗВОЈ

Институтот РЕСИС почнувајќи од 2022 година, ја реализира иницијативата Локал Актив, со која се развива нов автентичен модел на онлајн медиуми на заедницата, со кои ќе се збогати медиумскиот плурализам и информирањето за локални теми во земјава, ќе се подобри пристапот на локалните заедници до јавната сфера и ќе се поттикнат нови активистички иницијативи од граѓаните за решавање на занемарените локални проблеми.

Иницијативата беше примарно поддржана од Националната фондација за демократија (НЕД) од САД, преку проектот „Поттикнување на граѓанскиот ангажман во локалното владеење – Локални Активни Медиуми“, кој започна во јули 2022 година во Источниот и Југоисточниот регион на РСМ. Во иницијативата на почетокот се вклучија 13 локални граѓански организации кои со поддршка на РЕСИС го формираа онлајн медиумот на заедницата Локал Актив Исток. Денес, редакцијата на ЛА Исток се состои од 6 новинари и 17 граѓански активисти кои објавуваат заеднички произведени аналитички приказни и вести за теми од Источниот и Југоисточниот регион.

Почнувајќи од јули 2023 година, иницијативата за развивање медиуми на заедницата поддржана од НЕД, беше проширена и во Вардарскиот регион. Беше формирана редакцијата на Локал Актив Вардар, во која работат 5 новинари и активистите на 10 граѓански организации од Вардарскиот регион. Во овој нов циклус, врз основа на објавените приказни, граѓанските организации од сите три региони формулираа конкретни „барања“ до надлежните институции и самите спроведуваа различни активности за решавање на проблемот за кој пишувале на Локал Актив Исток или на Локал Актив Вардар.

Од јануари 2025 година, започнаа активностите за формирање медиум на локалната заедница и во Пелагонискиот регион, во рамки на проектот „Медиуми на заедницата за граѓански ангажман“, поддржан од Европската унија. Во овој трет циклус на спроведување на иницијативата Локал Актив ќе биде формирана редакцијата на Локал Актив Пелагонија, ќе се спроведат неколку циклуси на обуки за активистите и новинарите на сите три редакции, ќе се продуцираат и објавуваат аналитички приказни и вести за гражаните од пелагонискиот регион и ќе се поддржат 15 локални активистички иницијативи на граѓанските организации од сите три региони.

Локал Актив вести

Локал Актив вести
Инфо Први чекори кон формирање на редакцијата на медиумот на заедницата „Локал Актив Пелагонија“
На 20 август се одржа онлајн состанок со потенцијалните членови на редакцијата на Локал Актив Пелагонија, на кој присуствуваа седум локални новинари од Пелагонискиот регион.
Прочитај
Локал Актив вести
Во Битола се одржа првата работилница за формирање на новиот медиум на заедницата „Локал Актив Пелагонија“
На 4 јуни 2025 година, во просториите на Europe House – Битола, се одржа воведната работилница на проектот „Медиуми на заедницата за граѓански ангажман: Трансформирање на општествените барања во општествени акции“, кој го спроведува Институтот РЕСИС, со поддршка од Европската Унија.
Прочитај
Локал Актив вести
Инфо Сторија на Локал Актив ја доби наградата „Гласник на невидливите“
Сторијата „Македонските печалбари во Италија, не можат да го остварат своето право на пензија, по повеќе од две години“, објавена на непрофитниот медиум на заедницата Локал Актив, ја доби наградата „Гласник на невидливите“ што ја доделува Македонската платформа против сиромаштија (МППС). Автори на сторијата се новинарот Тони Ајтовски и граѓанскиот активист Зоран Биковски од здружението ЖЕНА од Делчево.
Прочитај
Локал Актив вести
Инфо Граѓаните од Вардарски регион добиваат медиум на заедницата, интернет платформа ,,Локал Актив Вардар"
Вардарскиот регион добива интернет платформа за информирање за теми и прашања од локален интерес, што се од исклучителна важност за граѓаните во овој регион. Станува збор за медиум на заедницата, кој е различен од другите видови медиуми во државата. Целта на овие медиуми е да им се даде видливост на локалните теми и глас на самите граѓани. Ваква платформа веќе цела година функционира во Источниот и Југоисточниот регион, а сега се покренува и во Вардарскиот регион.
Повеќе
Локал Актив вести
Инфо Работилница за продукција на аналитички приказни ЛокалАктив
Активистите од 14 граѓански организации, членки на онлајн медиумот на заедницата Локал Актив, поминаа еднодневна обука за генерирање нови локални теми и пишување аналитички приказни што потоа ќе се објават на нивната заедничка онлајн платформа.
Прочитај
Локал Актив вести
Инфо Јавна дебата за улогата на медиумите на заедницата во поттикнувањето на плуралистичката демократија
На онлајн дебатата која се одржа во рамки на Деновите на медиумската писменост, граѓанските организации кои работат на локално ниво дебатираа за факторите кои го попречуваат вклучувањето во јавната сфера на граѓаните со различни облици на попреченост. Поттик за дебатата беа наодите од најновото истражување што го спроведоа самите граѓански организации од Источниот и Југоисточниот регион, во соработка со Институтот РЕСИС.
Прочитај
Локал Актив вести
Инфо Прв состанок на уредништвото на медиумот на заедницата ЛокалАктив
На 5 октомври Институтот РЕСИС заедно со активисти од граѓанските организации од Источниот и Југоисточниот регион и професионални новинари, го одржа првиот состанок на уредништвото на онлајн медиумот на заедницата – ЛокалАктив.
Прочитај
Локал Актив вести
Инфо Средба со граѓанските организации од Вардарскиот регион
Во Младинскиот центар на Кавадарци, беше претставена инцијативата на Институтот РЕСИС за формирање на онлајн медиум на заедницата - ЛокалАктив за Вардарскиот регион.
Прочитај
Локал Актив вести
Инфо Медиумите на заедницата – важни структури во јакнењето на плуралистичката демократија
На 25 април Институтот РЕСИС ја одржа онлајн дебатата за растечката важност на медиумите на заедницата во поттикнувањето на граѓанскиот ангажман во локалното владеење.
Прочитај
Локал Актив вести
Инфо Група граѓански организации создаваат Медиум на заедницата
Активисти од група граѓански организации од Источниот и Југоисточниот регион, на работилница во Штип, на 4ти февруари, ја почнаа својата обука за производство на медиумски содржини за Медиумот на локалната заедница.
Повеќе
Локал Актив вести
Инфо Започна Мапирањето на комуникациските навики, знаења, потреби и интереси на ранливите групи граѓани во Источниот и Југоисточниот регион
Институтот РЕСИС го започна Мапирањето на комуникациските навики, знаења, потреби и интереси на ранливите групи граѓани во Источниот и Југоисточниот регион на РСМ. Мапирањето ги опфаќа граѓаните кои живеат со одреден степен на телесна попреченост, интелектуална попреченост или пак оштетување на видот и слухот, како ранливи категории граѓани чии комуникациски права се најзагрозени. Ова е прво Мапирање на комуникациските навики на ранливите граѓани во РСМ и ќе послужи како подлога за темелно истражување со кое ќе се проценат потребите и комуникациските навики на групите во локалната заедница.
Повеќе
Локал Актив вести
Инфо Медиумската платформа на заедницата #LocalActive е важна и за ранливите групи и за сите граѓани од Југоисточниот регион
На 30-ти септември Институтот РЕСИС и Фондацијата за развој на локалната заедница – Штип одржаа состанок со граѓански организации кои ги застапуваат правата на ранливите категории граѓани од Југоисточниот регион, по повод формирање на новата медиумска платформа на заедницата #LocalActive, дел од проектот LocalActiveMedia.
Прочитај
Локал Актив вести
Инфо Платформата #LocalActive поддржана од граѓанските организации од Источниот регион
На 15-ти Септември Институтот РЕСИС и Фондацијата за развој на локалната заедница – Штип одржаа состанок со граѓанските организации од Источниот регион, дел од Мрежата од совети на публики, по повод формирање на новата медиумска платформа на заедницата #LocalActive, дел од проектот LocalActiveMedia.
Повеќе
Локал Актив вести
Инфо РЕСИС и ФРЛЗ – Штип започнаа со првата фаза за основање на платформата #LocalActive
Институтот РЕСИС заедно со Фондацијата за развој на локалната заедница - Штип ја продолжуваат соработката остварена во рамки на формирањето на Мрежата од совети на публики (МСП) со новиот проект за креирање на платформата #LocalActive, дел од проектот LocalActiveMedia.
Прочитај
ПОДДРШКА НА НВО
Повеќе
ПОДДРШКА НА ИНСТИТУЦИИ
Повеќе
ИСТРАЖУВАЧКИ ПРОЕКТИ
Повеќе
ИСТРАЖУВАЧКИ ПУБЛИКАЦИИ
Повеќе