Во Младинскиот центар на Кавадарци, беше претставена инцијативата на Институтот РЕСИС за формирање на онлајн медиум на заедницата - ЛокалАктив за Вардарскиот регион.

Околу 13 граѓански организации од овој регион беа запознаени со карактеристиките на медиумите на заедницата и нивната важност за медиумскиот плурализам и за демократските процеси на локално ниво. Ова ќе биде медиум што ќе им припаѓа на граѓаните и на граѓанските организации и што ќе известува за локални теми што е од важност за подобрување на животот на граѓаните. Активистите на граѓанските организации ќе учествуваат во создавањето на содржините заедно со професионални новинари, а потоа врз основа на објавените приказни ќе работат на решавање на проблемите за кои пишувале. Од друга страна, за општинските власти Локал Актив ќе придонесе за поефикасно идентификување и задоволување на потребите на граѓаните.

Локал Актив е иницијатива што се реализира како дел на проектот „Поттикнување на граѓанскиот ангажман во локалното владеење“, финансиски поддржан од Националната фондација за демократија (National Endowment for Democracy).