Институтот РЕСИС, со поддршка на програмата ЦИВИКА Мобилитас, во периодот од 2019 до 2022 година ја воспостави Мрежата од совети на публики, во осумте региони низ земјава, составена од претставници на граѓански организации на локално ниво кои работат со различни ранливи групи: деца и малолетници, лица со сетилна и друга попреченост, лица со ретки болести, припадници на ЛГБТ заедницата, социјално загрозени групи, зависници и други ранливи групи.
Целта на оваа Мрежа е низ координирано заедничко дејствување граѓанските организации да извршат поголемо влијание врз медиумите и медиумските политики со цел да се направи квалитетен исчекор во поглед начинот на кој во медиумската сфера се остваруваат комуникациските права на граѓаните на локално ниво, особено на ранливите и маргинализираните групи.