Институтот РЕСИС, во периодот од октомври 2019 до март 2020 година, ја спроведе првата фаза од акциското истражување кое има за цел формирање на Мрежа од совети на публики во РСМ. Со спроведените фокусни групи беа опфатени околу 50 граѓански организации на локално ниво кои работат на остварување на правата на различни ранливи групи. Целта на оваа фаза беше да се согледаат мислењата на граѓанските организации за состојбите во медиумската сфера од аспект на исполнувањето на комуникациските права на ранливите групи.