ВЕСТИ И НАСТАНИ
ИНСТИТУТ ЗА ИСТРАЖУВАЊЕ НА ОПШТЕСТВЕНИОТ РАЗВОЈ

На 30 септември 2025 година во хотел Оаза во Штип се одржа еднодневна обука на тема „Пишување новинарски аналитички приказни“ во рамки на проектот „Медиуми на заедницата за граѓански ангажман“, поддржан од Европската Унија, а спроведуван од Институтот РЕСИС.

IMG 3624

Работилницата беше наменета за новинарите и граѓанските активисти од Источниот и од југоисточниот регион и имаше за цел да придонесе кон развивање на аналитички пристап во известувањето за локалните проблеми и зајакнување на капацитетите на локалните новинари и организации.

Претседателката на Советот за етика во медиумите и долгогодишна новинарка во македонската секција на Британската радиодифузна корпорација – BBC, Билјана Георгиевска, ги водеше модулите посветени на основите на аналитичкото пишување, целите и структурата на новинарската анализа и методите за пристап до различни извори на информации. На работилницата, активистите и новинарите преку практични вежби и работа во групи дадоа нови предлози за теми за аналитички стории кои ги сметаат за релевантни во своите заедници, а потоа истите ги презентираа и ги дискутираа резултатите.

На работилницата беше презентиран начинот како да се пристапи до различни извори на информации, од документи и институции до индивидуални извори, со акцент на значењето на авторизацијата и водењето прецизни белешки во новинарската работа за обезбедување на релевантни податоци.

Со оваа активност како и со уредничкиот состанок кој се одржа на маргините, беше отворен новиот циклус во рамки на проектот Локал Актив, кој има цел да ја зајакне улогата на медиумите на заедницата како простор за дијалог, информирање и граѓански ангажман.

IMG 3618

IMG 3630

IMG 3632

IMG 3642

IMG 3649

ПОДДРШКА НА НВО
Повеќе
ПОДДРШКА НА ИНСТИТУЦИИ
Повеќе
ИСТРАЖУВАЧКИ ПРОЕКТИ
Повеќе
ИСТРАЖУВАЧКИ ПУБЛИКАЦИИ
Повеќе